Ayon kay PNP chief Director Gen. Ronald “Bato” dela Rosa, magde-deploy sila ng magsisilbing augmentation force na magmumula sa Region 3 at Region 4 para sa ipapatupad na seguridad sa okasyon.
Bukod pa ito sa mga pulis Maynila na magiging pangunahing unit na nakatutok sa gagawing Traslacion.
Kaugnay nito, inamin ni Bato na may mga adjustments silang ginawa sa deployment matapos kumpirmahin ni Department of Interior and Local Government (DILG) Sec. Mike Sueno na may serious threat sa okasyon sa Lunes.
Ayon kay Bato, posibleng gumanti o maglunsad ng retaliatory attack ang grupong AKP o Ansar Khilafah Philippines makaraang mapatay ang kanilang lider na si Tokboy Maguid.
Sa huli, muling inulit ni Bato ang panawagan sa mga deboto na huwag matakot sa banta, manalig sa Panginoon at ituloy lamang ang kanilang taunang aktibidad.