Ayon sa bagong Pulse Asia survey, marami pa ring Pilipino ang nagustuhan ang trabaho ni Pangulong Duterte.
Sa survey na ginawa mula December 6 hanggang 11, 2016, parehong 83 percent ang nakuhang approval at trust ratings ng pangulo.
Ilan sa mga nangyari sa panahon na ginawa ang survey ay ang pagbibitiw ni Vice President Leni Robredo sa gabinete, ang pagbasura ng Korte Suprema sa mga petisyon laban sa Marcos burial sa Libingan ng mga Bayani at ang imbestigasyon ng senado at NBI sa pagpatay kay Albuera Leyte Mayor Rolando Espinosa Sr.
Halos pareho lang ang ratings ng pangulo noong Setyembre 2016 kung kailan nakakuha ito ng 86 percent sa performance at trustworthiness.
Samantala, limang porsyento ang hindi pabor sa trabaho ng pangulo habang 13 percent ang undecided, nasa apat na porsyento lang naman ang walang tiwala kay duterte.
Nakakuha ng pinakamataas na ratings ang pangulo sa Mindanao, sunod sa Visayas.
Mataas din ang ratings ng pangulo sa National Capital Region habang bahagyang mataas sa Luzon.