2 patay na lalaki, iniwan sa isang kalsada sa Taguig City

Patay ang dalawang katao matapos na pagbabarilin sa Cayetano Ave., Brgy. Palingon, Taguig City.

Ayon sa isang barangay tanod, ala-1:00 ng madaling araw nang ibaba ng puting sasakyan ang dalawa sa Cayetano Ave.

Sa pinagbabaan ng dalawang biktima, naghihintay naman ang dalawang motorsiklo lulan ng tatlong katao, at batay sa mga saksi ay ang mga nakamotor ang siyang bumaril sa dalawa.

Sa ngayon inaalam pa ang pagkakilanlan ng dalawa, pero kinumpirma ng barangay na hindi residente doon ang mga nasawi.