Huling bola ng grand lotto 6/55 sa taong 2016, papalo sa P70M ang jackpot

Inaasahang aabot sa P70 milyon ang jackpot prize ng Grand Lotto 6/55 bukas, December 31, huling araw ng 2016.

Ayon kay Alexander Balutan, General Manager ng Philippine Charity Sweepstakes Office, walang nanalo sa bola noong Miyerkules kung saan lumabas ang winning number combination na 51-35-50-30-17-02.

Umabot sa P66.5 milyon ang jackpot sa naturang bola.

Nanalo naman ng tig-P200,000 ang apat na mananaya na nakakuha ng limang numero.

Tig-P2,230 naman ang 345 mananaya na nakaapat na numero at balik ang P20 na taya ng 8,545 na bettors na nakaapat na numero.