Publiko, sasalubungin ng big time price hike sa LPG sa taong 2017

Sa pagsalubong sa Bagong Taon, sasalubungin din ng malaking dagdag-presyo sa cooking gas o Liquefied Petroleum Gas (LPG) ang publiko.

Sa abiso ng mga kumpanya, posibleng nasa pagitan ng P3.40 hanggang P3.80 kada kilo ang itaas ng LPG, at maaring maging epektibo ito sa January 1 o sa January 2, 2017.

Ang nasabing halaga ay katumbas ng P37.40 hanggang P41.80 na pagtaas sa kada 11 kilogram na LPG cylinder.

Maliban sa presyo ng LPG, magkakaroon din ng adjustment sa presyo ng autoLPG.

Magugunitang nitong nagdaang mga linggo, sunud-sunod din ang naging pagtaas presyo ng produktong petrolyo ng mga kumpanya ng langis.