Mga crew posibleng na-trap sa loob ng lumubog na barko ayon sa PCG

Hindi inaalis ng Philippine Coast Guard ang posibilidad na natrap sa lumubog na MV Starlite Atlantic ang iba pang nawawalang crew nito.

Ayon kay Commander Angel Villiran, Commanding Officer ng BRP Pampanga ng PCG, maaring hindi nakatalon ang ibang crew mula sa barko.

Samantala, sa maghapong paggalugad ng mga barko ng coast guard sa mga karagatan ng Batangas, mindoro, quezon at Marinduque wala pa ring nakitang tripulante ng lumubog na barko.

Tanging tatlong life jacket mula sa lumubog na barko ang nakita sa karagatang sakop ng Lumang Bayan point sa Oriental Mindoro.

Gayunman, hindi nawawalan ng pag-asa ang coast guard official na may makikita pang buhay sa mga tripulante ng MV Starlite Atlantic.