Muling humirit si dating Senador Ramon Bong Revilla Jr. sa Sandiganbayan ng isang furlough.
Sa kanyang urgent motion, hiniling ni Revilla na makalabas sa detention cell ng Philippine National Police upang madalaw ang kanyang ama na si dating Senador Ramon Revilla Sr.
Muli raw kasing na-confine ang matandang Revilla sa St. Luke’s Medical Center sa Bonifacio Global City sa Taguig noong December 22 matapos ma-diagnose ng acute kidney infection.
Sa hiling ni Revilla, sana ay makalabas siya mula ngayong araw December 28 hanggang 29 at December 31 hanggang January 1, 2017.
Ang matandang Revilla, 89 years old, ay inaasahan umano na mananatili sa ospital hanggang January 3, 2017.
Nauna nang pinagbigyan ng Sandiganbayan ang unang request for furlough ni Revilla upang bisitahin ang kanyang tatay na isinugod sa ospital dahil sa severe sepsis secondary to pneumonia.
Si Revilla ang nakakulong dahil sa mga kasong nagdadawit sa kanya sa Pork Barrel Scam.