Sa abiso ng MRT, alas 7:10 ng umaga nang ipatupad nila ang mas maiksing serbisyo, mula Shaw station hanggang Taft station lamang at pabalik.
Habang wala munang naging biyahe mula Shaw station hanggang North Avenue station at pabalik.
Alas 7:31 naman ng umaga nang maisaayos ang problema at maibalik ang buong operasyon ng tren.
Gayunman, marami sa mga pasahero na nasa mga apektadong istasyon ang bumaba na lamang at nag-abang ng masasakyang bus sa EDSA.
Bago ang pagpapatupad ng provisional service, iniulat ng MRT na nagkaroon ng service interruption sa pagitan ng Cubao at GMA Kamuning stations alas 6:51 ng umaga dahil sa naranasang technical problem ng isang tren.