Pacquiao, susunod na pangulo ng Pilipinas – Duterte

Nasorpresa ang pambansang kamao na si Senator Manny Pacquiao sa naging mensahe ni Pangulong Rodrigo Duterte sa pagdiriwang ng kanyang kaarawan kahapon na siya ang magiging susunod na Presidente ng bansa.

Sinabi kasi ng pangulo sa 38th Birthday message nito kay Pacquiao na nakikita niya ang landas na tatahakin ng fighting senator sa mga susunod na taon.

Kaagad namang nagsabi ang mambabatas na masyado pang maaga para pag-usapan ang naturang ambisyon.

Sa kasalukuyan ay tanging trabaho lamang umano niya sa Senado ang kanyang pinagtutuunan ng pansin, pati na ang maayos na pagseserbisyo sa publiko.