Lolo patay, 40 bahay natupok sa sunog sa Malabon City

Isang lolo ang patay sa sunog na tumupok sa may 40 kabahayan sa isang residential area sa Dulong Gulayan, Barangay Concepcion, Malabon City.

Kinilala ang nasawi na si Lolo Exequiel Cantir, 63-anyos.

Kabuuang 70 pamilya ang nawalan ng tahanan dahil sa nasabing sunog.

Nag-umpisa ang sunog bago mag-ala una ng hapon at umabot ng 3rd alarm bago idineklarang fire out makalipas ang halos ay dalawang oras.

Kaugnay nito, tiniyak ni Manny Namuco ng Malabon City Social Welfare and Development Office na tutulungan nila ang mga apektadong pamilya.