Nilinaw ni Liberal Party President Sen.Francis Pangilinan na matagal nang naka-move on ang kanilang partido sa resulta ng nakalipas na eleksyon.
Ito umano ang dahilan kaya walang dapat ipag-alala ang administrasyong Duterte kaugnay sa mga balitang balak nilang pangunahan ang pagpapatalsik sa kasalukuyang administrasyon.
Sinabi ni Pangilinan na batid nila sa kanilang partido na hindi magtatagumpay ang anumang planong pagpapa-alis ng pweston kay Duterte.
Hindi rin umano nagpag-uusapan sa anumang pulong ng LP ang plot para mapatalsik ang kasalukuyang pamahalaan.
Sinabi naman ni LP Sen. Franklin Drilon na iginagalang nila ang mandato ni Duterte bilang halal na lider ng bansa.
Nauna nang sinabi ng pangulo na mga kasapi ng LP sa pangunguna ni dating Sec. Mar Roxas ang nagtatangkang pabagsakin ang kanyang pamahalaan.
Umugong din ang balita na ang pagbabawal kay Vice President Leni Robredo na dumalo sa mga cabinet meeting ay bahagi ng hakbangin ng pamahalaan na harangin ang planong kudeta.
Dahil sa nasabing desisyon ng Malacañang ay nagbitiw si Robredo bilang miyembro ng gabinete kamakailan.