Lumusob sa tanggapan ng National Housing Authority (NHA) sa Elliptical Road sa Quezon City ang grupo ng mga maralita para ipanawagan sa pamahalaan ang programa sa pabahay.
Ang grupong Kalipunan ng Damayang Mahihirap ay nagsagawa ng programa na tinawag nilang “Lakbayan ng Maralita”.
Matapos ang isinagawang programa sa NHA, nagtungo naman ang grupo sa Welcome Rotonda at target ding makapagsagawa ng protesta sa bahagi ng Mendiola.
Ayon kay Gabriela Rep. Arlene Brosas, sa limang buwan sa pwesto ng Duterte administration, wala pa ring malinaw na programa para sa pabahay sa mga mahihirap.
Iginiit din ng grupo na sa ilang buwan sa pwesto ng nagbitiw na si HUDCC Chairperson, Vice President Leni Robredo ay wala pa rin itong naitulong sa mga maralitang walang bahay.
WATCH: Sumugod sa tanggapan ng NHA sa Elliptical Rd ang grupo ng mga maralita para ipanawagan ang programa sa pabahay | @RickyBrozas pic.twitter.com/fb7YJzzP7Q
— RadyoInquirer990AM (@dzIQ990) December 6, 2016
LOOK: Okupado ng grupo ang bahagi ng Elliptical Rd sa Quezon City, kung saan sila nagsasagawa ng programa | @RickyBrozas pic.twitter.com/NgNmZMOgk7
— RadyoInquirer990AM (@dzIQ990) December 6, 2016
LOOK: Mula sa NHA, magmamartsa ang grupo patungong Welcome Rotonda sa QC | @RickyBrozas pic.twitter.com/qYffgT9dVy
— RadyoInquirer990AM (@dzIQ990) December 6, 2016
LOOK: Magsasagawa din ng programa ang grupo sa Welcome Rotonda at pagkatapos ay magtutungo sa Mendiola | Photos via Louie Ligon-DZIQ pic.twitter.com/K16JhdTwWr
— RadyoInquirer990AM (@dzIQ990) December 6, 2016