Umabot na sa 2,000 pamilya ang naapektuhan ng pagbaha sa Dipolog City.
Sa datos ng City Social Welfare and Development Office (CDRRMO) ang humigit kumulang sa 2,000 pamilya na apektado ng naturang pagbaha na nagmula sa Barangay Biasong, Estaka, Lugdungan, Turno, Gulayon, Dicayas, Minaog at Olingan.
Ayon kay City Agriculture head Engr. Kerr Porlas umaabot sa mahigit 300 na ektarya ng bagong tanim na palay ang sinira ng malawakang pagbaha mula sa mga barangay Punta, Olingan, Galas at Turno habang nasa 150 hectares naman ng maisan ang nasira mula Sangkol, San Jose at Cogon.
Simula pa noong linggo ay nakaranas na ng pag-ulan sa Dipolog na nagresulta sa malawakang pagbaha.
Sa abiso naman mula kay mula kay City Mayor Darel Dexter Uy suspendido pa rin ang klase ngayong araw sa Sto. Niño Polanco Elementary School, Lugdungan Elementary School, Sta. Isabel Elementary School, Lower Dicayas Elementary School at Minaog Elementary School.