Bello, nagbabala sa publiko kaugnay sa pekeng social media accounts

Nagbabala si Department of Labor and Employment Secretary Silvestre Bello III laban sa mga pekeng Facebook account na ginagamit ang kaniyang pangalan para makapangikil ng pera.

Ayon sa kalihim, target ng mga pekeng social media accounts ang mga OFW.

Nanghihingi umano ng pera ang mga naturang account at ii-invest daw sa negosyo.

Nagbabala ang DOLE sa publiko na huwag magpapaloko sa mga nag-aalok ng agarang kita lalo na sa social media.