Nilinaw ng Philippine National Police (PNP) na ang terror alert level 3 na nakataas sa bansa ay hindi pa pinakamataas na terror alert na pinaiiral ng PNP.
Paliwanag ni PNP spokesman, Sr. Supt. Dionardo Carlos mayroon pang terror alert level 4 na ang katumbas ay “severe” at terror alert level 4-B na ang katumbas ay “critical”.
Sa kabila ng pagtaas ng alerto, pinayuhan ng PNP ang publiko na ipagpatuloy lang ang normal na buhay.
Gayunman, patuloy ang apela ng PNP sa publiko na maging mapagmatsag sa mga kahina-hinalang kilos o bagay.
Gagawin aniya ng PNP ang trabaho nito para matiyak ang seguridad ng publiko.
Kahapon nanawagan din si PNP Chief Ronald Dela Rosa sa mamamayan na i-enjoy lang ang Pasko sa kabilang terror alert.