Simula kaninang alas 12:01 ng madaling araw sarado na ang Monumento Circle hanggang mamayang alas 11:59 ng gabi.
Ang mga sasakyan na galing EDSA patungong Potrero, Malabon ay pinapakanan sa Mc Arthur.
Kung galing EDSA naman at patungo sa Sangangdaan ay kakaliwa naman sa A. De Jesus at saka kakanan sa 10th Avenue.
Kabilang din sa mga apektado ang mga galing Sangangdaan patungong Balinatawak, galing Maynila at Rizal Avenue patungong EDSA at angmga galing sa Malabon patungong Monumento.
Maliban sa Monumento Circle, may iba pang lugar na pagdarausan ng mga aktibidad para sa Bonifacio Day.
Sa Bonifacio Shrine sa Maynila, maaga din ang ginawang paghahanda.
Samantala, dahil ngayong araw ay regular holiday, sinuspinde na ng MMDA ang pag-iral ng number coding sa buong Metro Manila.