Babaeng Russian, arestado sa high grade cocaine sa NAIA

 

Inaresto sa NAIA terminal 3 ang isang Russian Citizen matapos makitaan ng high-grade cocaine na itinago sa sleeping bag, jacket at backpack nito.

Kinilala ang suspek na si Anastasia Novopashina, 32 anyos.

Galing ng Brazil, dumaan muna ng Dubai papuntang Pilipinas ang suspek sakay ng Emirates flight 332 .

Nabisto ang suspek nang busisiin ng examiner ang mga dala nito kaya naharang ang bagahe ng suspek at dito nadiskubre ang hindi pa mabatid na dami ng droga.

Pinag-aaralan ngayon ng PNP at PDEA kung anong sindikato ang kinabibilangan ng suspek.

Nakikipag-uganayan ngayon ang otoridad sa foreign counterparts nito para ikadarakip pa na miyembro ng sindikato.