Muli na namang nakatanggap ng best director award ang Pinoy filmmaker Brillante Mendoza, ngayon ay mula naman sa 54th Gijon International Film Festival.
Si Mendoza ang tanging nanalo mula sa Pilipinas sa taunang Spanish film festival, para sa kaniyang pelikulang “Ma’ Rosa.”
Matatandaang nagwagi naman ang bida sa nasabing pelikula na si Jaclyn Jose ng best actress sa Cannes International Film Festival, at siya ang kauna-unahang Pilipinong nakatanggap ng nasabing parangal.
Bukod kay Jose, kabilang rin sa mga nasa pelikula ang mga artistang sina Julio Diaz, Baron Geisler, Mercedes Cabral, anak ni Jose na si Andi Eigenmann, Maria Isabel Lopez at Mon Confiado.
Nagpahayag naman si Mendoza ng kaniyang pasasalamat sa bumubuo ng nasabing film festival, sa pamamagitan ng kaniyang Twitter account.