Ayon kay Supt. Romeo Galgo ng Central Mindanao police, naganap ang pagsabog alas-6:40 ng umaga ng Linggo sa harap ng main entrance ng Our Lady of Hope Church sa Barangay Zaliao.
Kinumpirma ni Galgo na isa itong cellphone detonated IED.
Ayon kay Esperanza Mayor Helen Latog, lumalabas na ang mga tao mula sa simbahan nang maganap ang pagsabog.
Mapalad aniya na isang sasakyan ang nakaparada sa harap ng main entrance ng simbahan para may sunduin, kaya nagsilbi itong pang-harang.
Gayunman, nasaktan naman ang dalawa sa mga pasahero ng nasabing sasakyan, na hanggang ngayon ay hindi pa natutukoy ang pagkakakilanlan.
Sa ngayon ay wala pang umaako na grupo sa pag-sabog, pero hinihinala ng mga otoridad na maaring diversionary tactic ito dahil sa paglulunsad ng militar ng air and ground assault laban sa Maute group sa Lanao del Sur.