PNR, nagsagawa ng inspeksyon sa Bicol/Naga route para sa pagbabalik biyahe ng Bicol Express

Nagsagawa ang mga opisyal ng Philippine National Railways ng pinal na inspekyon para sa planong ibalik ang biyahe ng Bicol express service ng tren.

Pinangunahan ni PNR Acting General Manager Josephine Geronimo ang inspeksyon kung saan sumakay sila ng isang tatlong bagon ng tren patungo sa lungsod ng Naga sa Camarines Sur.

Ayon kay Geronimo, mahalaga na personal na masuri ang nasabing tren upang makita kung handa na ang riles na daraanan ng express service.

Kabilang sa ininspeksyon ay ang mismong tren, and riles, at rolling stock.

Layon ng PNR na maibalik sa lalong madaling panahon ang nasbaing biyahe para makatulong sa mga pasahero ngayong holiday season.