Mahigit 100 piraso ng ecstasy, nasabat ng PDEA sa Makati; 3 ang arestado

Arestado ang tatlong lalaki sa isinagawang buy-bust operation ng Philippine Drug Enforcement Agency (PDEA) sa Makati City.

Nakilala ang mga suspek na sina Jeff Ching, Allen Genesis Castillo at Richard Tan na pawang nadakip sa bahagi ng Evangelista Street kanto ng Dallas Street.

Ayon kay PDEA spokesman Derrick Carreon, aabot sa 103 na piraso ng ecstasy ang nasabat sa tatlo.

Kabilang din sa narecover sa mga suspek ang isang red amore na kapsula, sampung fly high capsule at isang Toyota Yaris.

Nahaharap sa kasong paglabag sa section 5, 11 at 26 ng Dangerous Drug Act laban sa mga suspek.