Zero-crime sa Metro Manila sa Pacquiao-Vargas boxing match – NCRPO

 
Zero-crime o walang naitalang krimen sa Metro Manila sa kasagsagan ng boxing match ni Pambansang Kamao Manny Pacquiao laban kay Jessie Vargas sa Las Vegas, Nevada, USA.

Ayon kay Police Chief Superintendent Oscar Albayalde, pinuno ng National Capital Region Police Office o NCRPO, wala silang nai-rekord na anumang insidente ng krimen sa Pacman-Vargas boxing match.

Sinabi ni Albayalde na binabati ng buong NCRPO si Pacquiao na nagdala na naman ng panibagong tagumpay para sa sambayang Pilipino.

Ang pagkapanalo aniya ng Filipino boxing icon ay isang ‘victory for peace and honor.’

Tuwing may laban sa boxing ring Pacquiao, na ngayong ay isa ang Senador, madalas na nakapagtatala ng zero-crime ang pambansang pulisya.

Si PNP Chief Ronald ‘Bato’ Dela Rosa ay nasa Las Vegas upang personal na panuorin at suportahan ang People’s champ.