Kabilang sa biktima ay kinilalang si Saripada Parahodin, 26 yrs old na pinagbabaril sa loob ng kanyang bahay sa Barangay 176-Bagong Silang.
Ayon sa ina ni Parahodin, tatlong hindi pa nakikilalang suspek ang pumasok sa kanilang bahay at pitong beses pinagbabaril ang natutulog na biktima.
Samantala, patay din matapos pagbabarilin ng hindi nakilalang gunmen ang tricycle driver na si Mark Gil Tui.
Nabatid na nakasakay sa motorsiklo ang namaril kay Tui habang nasa loob ito ng kanyang tricycle kaninang ala una ng madaling araw.
Sa Barangay 187 sa North Caloocan naman, patay din makaraang pagbabarilin ng apat na suspek ang dalawang lalaki at isang 20 years old na babae na kinilalang si Mary Ann Asentista.
Dalawa din biktima na hindi pa nakikilala ang nasawi sa loob ng kanilang bahay sa Barangay 178-Tala sa kaparehong lungsod.
Nabatid na anim na gunmen naman ang namaril sa dalawa pang biktima.