Muling hinikayat ng Department of Social Welfare and Development (DSWD) ang mga nasalanta ng bagyong Lawin na isumbong sa kanila ang mga nakita o naranasan nitong iregularidad sa pamamahagi ng mga relief goods.
Ginawa ni DSWD Secretary Judy M. Taguiwalo ang panawagan makaraang makarating sa kanya ang mga ulat tungkol sa atrasadong pagdating at mga tampered o pinaki-alaman na relief packs.
Ayon kay Taguiwalo, mahalaga aniya na ipaalam ang anumang iregularidad sa kanilang mga field offices para malaman nila kung paano pinatatakbo ng mga lokal na gobyerno ang kanilang programa.
Maaari aniyang ipadaan ang anumang iregularidad sa kanilang relief programs sa mga sumusunod na numero;
DSWD-CAR – (074) 442 3946; (074) 446 5961; 09060941064; 09491417232
DSWD-Region I – (072) 8882505; 09399586757
DSWD-Region II – 09177710966
DSWD-Region III – 09088814109
Dagdag pa ng kalihim, hindi mangyayari ang pagbabagong gusto ng lahat kung hindi kikilos ang bawat isa.