Pinasisibak ng Pinoy Gumising Ka Movement o PGKM kay Pangulong Rodrigo Duterte si Transportation Secretary Arthur Tugade dahil sa umano’y kabiguang masolusynan ang krisis sa trapiko sa Metro Manila.
Ayon kay PGKM Chair Ruperto Cruz, walang ginawa si Tugade para maibsan ang trapiko sa Kalakhang Maynila.
Aniya, masyado raw abala si Tugade sa paghingi ng emergency powers para sa Presidente mula sa Senado at Kamara para hindi na sumailalim sa bidding ang mga pangunahing proyekto ng Department of Transportation o DOTr.
Umaasa ang PKGM, isang koalisyon ng iba’t ibang sektor, na wala na sa pwesto si Tugade sa Disyembre.
Hindi naman nagbigay ng komentosi Tugade nang hingin ang kanyang reaksyon sa hirit ng nabanggit na grupo.
MOST READ
LATEST STORIES