Estudyante sa La Salle, nagpakamatay umano

Isang babaeng estudyante ng De La Salle University (DLSU) sa Maynila ang nasawi matapos umanong magpakamatay.

Nahulog mula sa ika-20 palapag ng gusali ng Brother Andrew Gonzales Hall ng nasabing unibersidad ang estudyante.

Hinihinalang nagpakamatay ang hindi pa nakikilalang estudyante dahil sa problema sa kaniyang grades.

Bumuhos ang pakikiramay sa social media, partikular na sa Twitter mula sa mga netizens lalo na sa mga kapwa niya estudyante at mga alumni ng La Salle.

Ilang netizen pa ang nagsabi na di umano’y isang accountancy student ang nagpakamatay.

Samantala, kahapon naman ay isang 18-anyos rin na babae ang umano’y tumalon at nagpakamatay sa loon ng isang mall sa Mandaluyong City.