Pumasok na sa Philippine Area of Responsibility ang bagyong Lawin na may international name na ‘Haima’ at sinabing mas malakas pa sa bagyong Karen at posibleng maging super typhoon.
Sa PAGASA bulletin Number 1, pumasok ang bagyong Lawin dakong alas singko ng hapon at huling namataan sa 1,245 kilometers east ng Legazpi City, Albay.
Taglay ng bagyo ang hangin na 175 kilometers per hour at bugsong 215 kilometers per hours.
Kumikilos ito sa direksyong west northwest sa bilis na 24 kilometers per hour.
Tinataya ang katamtaman hanggang malakas na ulan sa 600 kilometer diameter ng bagyong Lawin.
Inaasahan itong tatama sa kalupaan ng Cagayan sa Huwebes ng umaga at tatawid sa Ilocos Norte at Apayao na ayon sa PAGASA ay recurve direction.
Posible itong lumabas ng PAR sa Biyernes.