Kanseladong flights nadagdagan pa dahil sa masamang panahon

Nadagdagan pa ang kanseladong flights sa Ninoy Aquino International Airport (NAIA) dahil sa masungit na panahon na dulot ng bagyong Karen.

Ayon sa Manila Intertional Airport Authority (MIAA) kanselado na rin ang biyahe ng PAL Express na flight 2P 2543 at 2544 na biyaheng Manila – Dumaguete – Manila.

Maging ang flights 2P 2095 at 2096 na biyaheng Manila – Surigao – Manila ay kinansela na rin ng PAL Epxress.

Kanina ay nauna nang inanunsyo ng MIAA ang kanselasyon ng flights 5J 821 at 822 ng Cebu Pacific na may biyaheng Manila – Virac – Manila.

Kaugnay nito, pinapayuhan ang mga apekatadong pasahero na makipag-ugnayan sa airline company para sa rebooking o refund ng kanilang mga ticket.