Bagyong Julian napanatili ang lakas; signal #1 nakataas pa rin sa ilang lalawigan sa Luzon

Napanatili ng bagyong Julian ang lakas nito habang kumikilos papalapit sa extreme Northern Luzon.

Sa weather bulletin ng PAGASA, kaninang alas 10:00 ng umaga, huling namataan ang sentro ng Tropical Depression Julian sa 465 km East Southeast ng Basco, Batanes.

Taglay nito ang lakas ng hanging aabot sa 45 kph at pagbugsong aabot sa 55 kph.

Kumikilos ang bagyo sa bilis na 25 kph sa direksyong pa-Kanluran.

Nakataas pa rin ang public storm warning signal number 1 sa Batanes, Northern Cagayan, Babuyan Group of Islands, Apayao at Ilocos Norte.