Inilikas ang 356 pamilya o 1,559 katao sa lalawigan ng Bulacan dahil sa walang tigil at malakas na pag-ulan dulot ng Habagat, ayon sa National Disaster Risk Reduction and Management Council (NDRRMC).
Naapektuhan ng flashfloods ang 77 pamilya sa Meycauayan, 200 pamilya sa Marilao, at 79 pamilya sa Sta. Maria.
Tinulungan naman ng provincial risk reduction and management ng Bulacan ang mga commuter na stranded mula SM Marilao papunta sa Meycauayan at sa Bocaue.
As of 7AM, nakataas pa rin ang heavy rainfall warning sa Bulacan, Metro Manila, Rizal, Bataan at Cavite.
Pero alas 10:00 ng umaga, inalis na ng PAGASA ang umiiral na rainfall warning at nagpa-abiso na maaring thunderstorm na lamang ang makaapekto sa Metro Manila at mga kalapit na lalawigan sa susunod na mga oras.