LPA isa ng tropical cyclone, posibleng pumasok sa PAR ngayong weekend

 

Binabantayan ng PAGASA ang isang tropical cyclone na posibleng pumasok sa loob ng Philippine Area of Responsibility (PAR) ngayong weekend.

Sa pinakahuling update ng PAGASA, namataan ang naturang sama ng panahon sa layong 2,500 kilometro sa silangan ng Mindanao.

Sa kasalukuyan, nagtataglay ito ng lakas ng hangin na nasa 55 kilometers per hour at tinatahak ang direksyon patungong kanluran sa bilis na 35 kph.

Ang tropical cyclone ay papangalanang Helen sa oras na pumasok na ito sa Philippine Area of Responsibility.

Samantala, patuloy na maapektuhan ng habagat ang Palawan at Western Visayas.

Magiging maulap naman na may pulu-pulong ulan at thunderstorms ang mararanasan sa Luzon at Eastern Visayas ngayong araw.