Sa pahayag na inilabas sa Facebook page ng City Government of Davao, nakasaad na nakilala ang dumagdag sa bilang ng mga nasawi na si Vicenta Depalubos Asperin, 21 years old at anim na buwan nang buntis.
Nawalan ng buhay si Asperin sa Metro Davao Medical and Research Center (MDMRC) dakong 10:17 kagabi matapos ma-comatose ng labing isang araw.
Batay sa medical report na inilabas ng City Social Services and Development Office (CSSDO), heart failure at brain damage ang ikinamatay ni Asperin.
Maging ang sanggol na dinadala ni Asperin ay namatay na rin.
Pero ayon kay CSSDO chief Ma. Luisa Bermudo, hindi isasama sa kabuuang bilang ng mga nasawi ang sanggol dahil hindi pa naman ito naipapanganak.
Si Asperin na isang massage therapist ay kabilang sa mga lubhang nasugatan sa Davao City blast.