Alert level 1, itinaas sa bulkang Mayon

Itinaas ng Phivolcs ang alert level 1 sa bulkang Mayon matapos magpakita ng abnormalidad sa nakalipas na tatlong araw.

Ayon sa Phivolcs, nakapagtala sila ng gas emission, ground deformation at volcanic earthquake sa bulkang Mayon.

Patuloy din umano ang pagtaas ng sulfur oxide emission mula sa bunganga ng bulkan na umaabot sa 500 tonnes kada araw.

Nakapagtala din ang Mayon Volcano Observatory seismic network ng 146 na volcanic earthquakes simula August 3 hanggang 6.

Wala pa namang namamataang crater glow sa bulkan.

Pinayuhan naman ng Phivolcs ang publiko na iwasan ang pumasok sa 6-kilometer permanent danger zone ng bulkang Mayon