20 kalibre 45 na baril, nasabat ng Coast Guard sa Masbate

Arestado ang isang lalaki matapos itong makuhanan ng 20 units ng kalibre 45 na mga baril sa pantalan sa Masbate.

Sa impormasyon mula sa Philippine Coast Guard (PCG) ang mga baril na nakumpiska mula sa suspek na si Celso Manleon ay pawang walang karampatang dokumento.

Bitbit umano ni Manleon ang nasabing mga baril nang sumakay ito ng bus na isinakay naman sa isang RoRo vessel galing sa Cebu.

Nakatakda sanang dalhin ang mga armas sa Talavera, Nueva Ecija.

Nai-turn over na ng coast guard sa Masbate Police ang nasabing suspek at ang mga nasabat nab aril para sa imbestigasyon.