Nakaupo pa sa inidoro nang mapatay ng nga pulis ang sinasabing notorius na tulak ng bawal na gamot ng Bgy. Tatalon, Quezon City.
Kinilala ni Supt. Christian dela Cruz, hepe ng QCPD station 11 ang nasawi sa alyas ‘Jayjay Tuyo’, habang arestado naman ang dalawang kasama nito na kinilala ang isa sa pangalang Mark Anthony Nadela.
Sa kwento ni Supt. Dela Cruz, target ng kanilang anti-illegal drug operation si alyas ‘Jayjay Tuyo’ pero ng makita umano ang mga pulis tumakbo ito mula sa Victory Ave., papunta ng Manungal St. Bgy. Tatalon at pumasok sa isang bahay.
Nagpaputok umano ang suspek sa mga pulis na agad naman gumanti ang mga operatiba at natamaan sa ulo ang suspek na agad na kinamatay nito habang nakaupo sa inidoro.
Nakuha sa suspek ang .45 caliber na ginamit nito ng makipagbarilan sa mga pulis.
Hindi naman na nanlaban ang dalawang kasama ng napatay na suspek nahawak ngayon ng mga otoridad.