WATCH: Rare Pokemon muntik nang magdulot ng stampede sa Taiwan

Viral ngayon sa Youtube ang kuha sa isang intersection sa Taiwan na nagpapakita ng mga taong nagkakagulo at ang-uunahan para makuha ang isang rare na Pokemon.

Halos magdulot ng stampede ang nasabing insidente matapos na magkagulo ang libu-libong tao na nasa lansangan.

Sa ulat ng Taiwanese media, lumitaw umano sa Beitou Park sa bahagi ng Taipei, ang rare Pokemon na “Snorlax”.

Kitang-kita sa footage kung paanong sabay-sabay na lumusob ang mga tao patungo sa direksyon ng parke kung saan naroroon ang Pokemon.

Nagkasabay-sabay ang pagtawid ang mga tao, dahil lahat sila ay naghintay naman na magkulay green ang ilaw para sa mga pedestrian bago sila tumawid.

Wala namang naitalang sugatan sa insidente.