5 patay, mahigit 500 na migrante nailigtas sa Mediterranean sea

Narekover sa karagatan ng Mediterranean sea ang katawan ng limang migrante, habang nailigtas ang mahigit 500 iba pa.

Ayon sa Coast Guard ng Italy, ang mga migrante ay natagpuang nagsisiksikan sa dalawang rubber boat at siyam na malilit na Bangka.

Dalawang barko mula sa Italy at Germany ang sumaklolo sa mga migrante.

Hindi pa matukoy ng mga otoridad kung ano ang ikinasawi ng lima.

Sa pinakabagong datos mula sa International Organization for Migrants (IOM) na inilabas noong Aug. 9, umabot na sa 100,244 na migrante ang nakarating sa Italya sakay ng Bangka.

Karamihan sa kanila ay galing sa Libya.