Lalaki, patay matapos pagbabarilin habang natutulog sa Caloocan

Patay ang isang lalaki matapos itong pagbabarilin habang mahimbing na natutulog sa loob ng kaniyang bahay sa Barangay 164 sa Talipapa, Caloocan City.

Ayon sa mga residente sa lugar, apat na hindi nakilalang suspek umano ang nakita nilang lumapit sa bahay ng biktimang si Randy Navoa.

Si Navoa ay dati nang naaresto ng mga pulis dahil sa pagtutulak ng droga.

Aminado din ito sa ilegal niyang gawain dahil kusa na itong sumuko noon sa Barangay.

Ayon sa mga residente sa lugar, may mga lalaking nagtungo sa bahay ni Navoa kagabi at kinausap pa ito.

Nang makatulog na ang biktima ay tinambangan na ito ng mga suspek.