2 patay sa drug buy-bust operation sa Taytay, Rizal

Patay ang dalawang suspected drug pushers sa isinagawang drug buy-bust operation sa Taytay, Rizal, Miyerkules ng madaling araw.

Kinilala ng mga otoridad ang dalawang suspek na sina Joey Baranda alyas Idol at isang alyas Oneng.

Ayon sa Taytay police, nagpaputok ang mga suspek sa kasagsagan ng buy-bust operation sa Sitio Burol, Barangay San Juan dakong alas 3:30 ng madaling araw.

Nasabat mula sa dalawa ang isang .38 revolver, isang improvised hand gun, isang granada, at mga sachet ng hinihinalang shabu.

Ayon sa mga otoridad, sangkot din ang dalawang suspek sa mga insidente ng robbery-holdup sa Taytay.