7 sugatan matapos bumagsak ang malaking camera sa Rio Olympic park

Aabot sa pito ang nasugatan matapos na bumagsak ang isang malaking television camera sa Rio Olympic park.

Ang itim na camera na kung tawagin ay ‘spidercam’ at ginagamit para sa pagkuha ng aerial shots sa park kaya napakataas ng pwesto nito.

Nabagsakan ang mga taong nasa ibaba at kita sa ilang video footages na duguan ang mga isinakay sa ambulansya.

Tiniyak naman ng tagapagsalita ng Olympics na hindi malubha ang tinamong sugat ng mga indibidwal na dinala sa ospital.

Posible umanong bumigay ang wire o kable ng camera dahil sa sobrang bigat nito.