May isang Kongresista na ang umamin na dati siyang gumagamit ng illegal drugs at pinagsisisihan daw niya ito.
Pero may isang Kongresista naman ang napikon nang minsang pag-usapan ng ilang sa kanyang mga kasamahan ang dati niyang bad habit.
Kilala ang pulitikong ito lalo na noong kanyang kabataan na isang dispalinghadong tao.
Batid ng karamihan sa Batasang Pambansa na dating “user” si Cong. sa kabila ng kanyant mataas na pinag-aralan.
Pero dahil mula sa mayaman at ma-impluwensiyang pamilya kaya nalusutan lahat ni Cong. ang mga kontrobersiya na kanyang sinabitan.
Sa isang kwentuhan ng mga kongresista sa lounge ng kongreso ay natanong si Cong kung ano ba ang pakiramdam ng sabog sa droga.
Hindi nagustuhan ng bida sa ating kwento ang pagtatanong ng kapwa mambabatas kaya agad siyang tumayo at nagmumurang umalis.
Sa loob ng kanyang opisina ipinagpatuloy ni Cong ang pagmumuta na narinig ng kanyang mga staff.
Sinabi ng ating Cricket na umuusok sa galit ang ilong ni Cong noong mga oras na iyun.
Pasalamat daw yung nagtanong na mambabatas dahil medyo tamed na si Cong at kung ito daw ay nangyari noong “tumitira” pa ng droga ang ating bida ay malamang daw na nagkaroon ng barilan sa plenaryo.
Bukod kasi sa mga chicks ay mahilig ring mangolekta ng mga baril si Cong.
Noong mga nakalipas na taon ay ilang beses ding laman ng balita ang nasabing kongresista dahil sa panunutok at pagpapaputok ng kanyang baril.
Wala tayong masasabi sa ngayon sa performance ni Sir dahil sa totoo lang ay mahusay naman siyang mambabatas.
Ang Congressman na napikon nang minsang ungkatin ng ilan sa kanyang mga kasamahan ang dati niyang pagiging adik ay si Cong. R….as in Radikal.