134 pamilya, inilikas dahil sa ‘sinkhole’ sa S. Cotabato

 

Pwersahang inilikas ng mga lokal na opisyal ang nasa 134 na pamilya matapos madiskubre ang isang malaking sinkhole sa Polomolok, South Cotabato.

Ang nasabing sinkhole sa Polomolokk ay may laking 50 metro, at lalim na 40 metro.

Ayon kay municipal disaster risk reduction officer Jonathan Fabulare, may mga naitala na ring sinkhole noon sa Barangay Silway, ngunit ito ang pinakamalaking nadiskubre nila.

Sa ngayon ay pansamantalang naninirahan sa Silway 8 Elementary School ang mga pamilyang lumikas, habang nagpadala na rin ang municipal environment and natural resources ng kanilang team upang mag-imbestiga.