Itinanggi ng Kapamilya actress na si Jodi Sta. Maria na nagkabalikan sila ng dating nobyo na si actor-politician Jolo Revilla.
Ito ay matapos kumalat sa social media ang larawan kung saan makikitang magkasama silang dalawa.
Ayon kay Jodi, kahit pa nagkahiwalay na sila ni Jolo, nananatili pa rin silang magkaibigan at wala siyang nakikitang mali kung paminsan-minsan ay lalabas silang dalawa na magkasama.
Hindi naman nagbigay ng komento ang aktres nang tanungin kung may balak pa ba itong magmahal muli o magkaroon ng kasintahan.
Sa halip, sinabi ni Jodi na masaya siya sa kung anong mayroon siyang ngayon at ayaw niyang i-pressure ang sarili sa usapin ng pag-ibig.
Kasabay nito, binanggit ni Jodi na nakatakda siyang gumawa ng pelikula ngayong buwan kasama ang direktor na si Erik Matti.
Huling pelikula na pinagbidahan ng aktres ay ang “The Achy Breaky Hearts,” kung saan sina Richard Yap at Ian Veneracion ang kanyang mga leading man.