North Korea, nagpakawala ng tatlong missiles

Nagpakawala ng tatlong ballistic missiles ang North Korea, Martes ng umaga.

Ayon sa Joint Chiefs of Staff (JCS) ng South Korea, magkakasunod na pinakawalan ng NoKor ang tatlong ballistic missiles sa pagitan ng alas 5:45 at alas 6:05 ng umaga.

Sa bahagi umano ng North Hwanghae Province pinawalan ang missiles at lumipad ng aabot sa 500 hanggang 600 kilometers ang layo.

Ayon sa JCS, sapat ang nasabing distansya para umabot sa South Korea ang mga pinawalang missiles.

Patuloy naman na naka-alerto ang military ng South Korea para bantayan ang kilos ng NoKor.