Hindi umano dapat sa mga pulis lamang nakatutok ang mga kritiko ng Philippine National Police (PNP) kaugnay sa tumataas na bilang ng mga napapatay na drug suspects sa bansa mula nang maupo si Pangulong Duterte. Ito ay dahil ang mismong mga nasa loob ng drug ring ay nagpapatayan na.
Ayon kay CPNP Ronald Bato dela Rosa, mistulang nag-uubusan na ng lahi ang mga drug lords na pinapapatay na ang kanilang mga distributors na hindi nakakabayad sa kanila.
Ani Dela Rosa, epekto na umano ito ng matinding kampanya ng pamahalaan laban sa illegal drugs.
Dahil kasi rito, hindi na umano nakakapag remit ang mga distributors ng mga drug lords na nasa NBP o New Bilibid Prisons kung kaya kino-contact na ang kanilang mga hitman sa labas at itinutumba ang mga hindi makabayad.
Paliwanag ni Bato, wala na umanong pumapasok sa mga bank accounts ng mga drug lords kaya nagwawala na ang mga ito ngayon.
Ani Dela Rosa, kahapon lang mayroon umanong sumuko sa kanyang distributor ng isang drug lord na hindi na makapag remit kung kaya sumuko na lang dahil sa takot na ipatumba ng among drug lord.