METRO MANILA, Philippines — Pinuna ni Sen. Grace Poe ang sunod-sunod na aberya sa operasyon ng Metro Rail Transit (MRT) at Light Rail Transit (LRT).
Ayon kay Poe, hindi dapat balewalain ang mga aberya dahil nalalagay sa panganib ang kaligtasan ng mga pasahero.
Binanggit niya ang pagkakasunog ng electrical wire sa poste sa pagitan ng mga istasyon ng Santolan at Cubao ay lubhang delikado para sa mga pasahero.
BASAHIN: EDSA bus lane balak alisin; MRT 3 trains dadagdagan
Idniin ni Poe na kailangan na patuloy ang pagtitiyak na ligtas at maaasahan pa rin ang pagsakay sa mga bumibiyaheng tren sa kabila nang pagpapatayo ng mga bagong linya para sa mass rail transport.
Magagawa ito sa pamamagitan ng regular na inspeksyon at pagsasagawa ng preventive maintenance sa mga pasilidad at mga tren.