METRO MANILA, Philippines — Pinasalamatan ni Toby Tiangco, ang campaign manager ng Alyansa Para sa Bagong Pilipinas, si House Speaker Martin Romualdez sa todong pagsuporta sa mga kandidato ng koalisyon.
Sa pagtitipon ng mga opisyal at miyembro ng partido Lakas-Christian Muslim Democrats (Lakas-CMD) sa Malacañang nito Martes ng gabi, inilapit ni Romualdez sa kanyang mga kapartido ang lahat ng kandidato ng Alyansa.
Ayon kay Tiangco, pinalakas pa ng suporta ni Romualdez at ng Lakas ang 11 kandidato ng Alyansa.
BASAHIN: Bagong istratehiya pinaplano ng Alyansa para manalo 12 kandidato
Aniya sa ginawa ni Romualdez mas maraming botante ang maaabot ng kanilang mga kandidato:
- dating Interior Secretary Benhur Abalos
- Makati City Mayor Abby Binay
- Sen. Ramon Revilla Jr.
- Sen. Pia Cayetano
- Sen. Lito Lapid
- Sen. Francis Tolentino
- dating Senate President Vicente Sotto III
- dating Sen. Panfilo Lacson
- dating Sen. Manny Pacquiao
- Rep. Erwin Tulfo
- Rep. Camille Villar
Sa pinakahuling resulta ng survey ng Social Weather Station, siyam sa mga kandidato ng Alyansa ang pasok sa “Magic 12.”