METRO MANILA, Philippines — Hindi na ikinagulat ng Malacañang ang pagbubunyag na si dating presidential spokesman Harry Roque ang utak sa pagpapakalat ng kontrobersyal na “polvoron video.”
Kasabay nito, sinabi ni Palace Press Officer Claire Castro na pinaubaya na ni Pangulong Ferdinand Marcos Jr. sa Department of Justice at National Bureau of Investigation ang pag-iimbestiga sa ibinunyag ng vlogger na si Vicente Bencalo “Pebbles” Cunanan.
Itinuro ni Cunanan si Roque na pasimuno ng malisyosong video, kung saan tampok ang isang lalaki na kahawig ni Marcos.
BASAHIN: Harry Roque hinamon ng Malacañang na umuwi na
“Hindi na ito bago at buti na lamang may isang tao na dati nilang kaalyado na sinabi na si Atty. Harry Roque ang nagpakalat,” ani Castro.
Magugunita na isang araw bago ang ikatlong State of the Nation Address ni Marcos Jr. noong 2024 kumalat ang “polvoron video” sa social media platforms.
Mapapanood sa video ang pagsinghot ng lalaki ng hinihinalang droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.