Rep. Libanan ang lead prosecutor sa VP Duterte impeachment trial
METRO MANILA, Philippines — Si House Minority Leader Marcelino “Nonoy” Libanan ang magsisilbing lead prosecutor sa impeachment trial ni Vice President Sara Duterte.
Ibinahagi ito ni 1-Rider Party-list Rep. Rodge Gutierrez bagamat aniya pormalidad na lamang ang hinihintay sa pagtatalaga sa kinatawan ng 4Ps Party-list.
Ayon pa kay Gutierrez, napagkasunduan nila ng siyam pa nilang kasama sa 11-man prosecution team na piliin si Libanan bilang kanilang pinuno.
BASAHIN: Imee Marcos lalabanan ang impeachment ni VP Sara Duterte
Aniya binigyang kapangyarihan nila si Libanan na pumirma sa mga dokumento na may kinalaman sa gagawing paglilitis.
Kaninang umaga, nagtungo si Libanan at ilang kongresista sa Senado at inihain ang kanilang kauna-unahang kahilingan – ang makapagpatawag ng mga testigo na ihaharap sa paglilitis.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.