Imee Marcos lalabanan ang impeachment ni VP Sara Duterte

By Jan Escosio February 06, 2025 - 11:30 AM

PHOTO: Imee Marcos FOR STORY: Imee sinabing lalabanan ang impeachment kay VP Sara Duterte
Sen. Imee Marcos —File photo mulâ sa Senate Public Relations and Information Bureau

METRO MANILA, Philippines — “Lalabanan ko ‘yan hanggang sa dulo!”

Ito ang tanging naging tugon ni Sen. Imee Marcos nang hingian ng kanyang komento ukol sa hakbang ng Kamara upang mapatalsik sa puwesto si Vice President Sara Duterte.

Kahapon, umabot sa 215 kongresista ang pumirma sa Articles of Impeachment laban kay Duterte at ito ay agad ipinadala sa Senado, na magsisilbing impeachment court.

BASAHIN: Articles of impeachment laban kay VP Duterte nasa Senado na

Kilalang malapit na magkaibigan sina Marcos at Duterte.

Samantala, sinabi ni Sen. Ronald “Bato” dela Rosa na inaasahan na niya ang pagkilos sa Kamara para maalis sa puwesto si Duterte.

Tiniyak na lamang niya na titimbangin niya ang lahat at hindi paiiralin ang pagiging malapit kay Duterte kung mapapabilang pa siya sa mga aaktong hukom sa impeachment trial.

Kabilang sina Marcos at  dela Rosa sa pitong re-electionist senators na kandidato  sa papalapit na midterm elections.

TAGS: Sara Duterte impeachment, Sara Duterte impeachment

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.